Bove (已結業)

聽聞呢間梳乎里班㦸好好食，黎開呢個廣場行街就一於試下。叫左個期間限定的伯爵茶梳乎里班㦸配木糠忌廉，職員話要等大約半個鐘先有。咁我地就行下附近的店舖，大約半個鐘返黎就差唔多有了。一攞上手，望到個樣就覺得有啲其怪佢地貼出黎的相中的pancake係好完整一個，但係我手上的pancake係面係pancake樣底係一pat漿，就好似個pancake未熟晒就上碟咁見到唔係好對路，我就拎返去問下係咪未整熟所以個pancake咁嘅狀態，點知個職員話咁係正常的，因為佢地啲pancake係流心，所唔會係熟晒雖然佢咁講好似有啲牽強，但佢話係正常只好照樣食。一吉落去就發現個pancake得個面，係無底的，差唔多啖啖都係食緊pancake漿雖然外表同口感都唔係咁滿意，好彩味道係幾好食。pancake漿有好香濃的伯爵茶味，又唔係太甜，如果佢地整出黎係個完整的梳乎里pancake就真係perfect了。