頹飯 (已結業)

又到午飯時間，喺中環諗食咩真係一d都唔易呀，原因係選擇太多，但今日食既頹飯，同個名完全唔同，唔頹得來重好有心思！飯盒係便當外表分開一格格好清晰，睇過餐牌後最終都係揀左招牌薄牛肉飯，套餐加2蚊就有埋紅豆冰，炎炎夏日真係好難抗拒！招牌薄牛肉飯牛肉味超濃，而且肉質柔軟唔韌，配上特製燒汁令牛味同飯更融合！旁邊配菜有粟米同車厘茄，微微酸甜正如中和牛的油膩感覺！大大杯紅豆冰都係加2蚊炸！而且好足料，唔係冰多餡少，紅豆夠多而且甜度適中，夏天點可以唔飲呀！