必勝客 (已結業)

好內唔來過﹐所以前晚來呢度食晚餐。見散叫同佢地個餐都差唔多價錢﹐所以叫左$188餐。選左紅白湯各一﹐意式青瓜香草醬汁芝脆批配軟殼蟹pizza﹐白汁菠菜雞肉意粉&瑞士雞翼。初初以為會唔夠飽﹐但最尾要打包半個pizza同1/4個意粉。湯幾好﹐夠味﹐唔會係溝水貨式﹐白湯有好多片蘑菇。個pizza味道幾好﹐唔會太鹹﹐帶少許酸味。但美中不足既係軟殼蟹少左d。比佢地係各地賣廣告果d poster 差得遠。但係當我地食得七七八八時﹐見有臺客個軟殼蟹pizza有好多軟殼蟹﹐多度我地隔幾尺遠都見到佢地個pizza有好多舊蟹鋪係上面﹗真係希望pizza hut已後負責放料係pizza度果d廚師唔好一d pizza放好多﹐一d pizza放好少。平均d。意粉來時唔係好熱(相信佢地因為d意粉煮左一段時間放係度﹐當有人叫時就撈唔同既汁料上去﹐所以就又熱變左暖) ﹐叫waiter幫我地整番熱佢﹐點知佢話不如幫我地換個一碟。呢d咪叫service law。底讚﹗上年本來有佢地既vip card﹐所以都考慮好唔好再買$500申請番。最終決定唔要﹐因為今年張vip card 得外賣有九折﹐堂食冇。