樂湯雞麵館 (庇利金街) (裝修中)

收到資訊話這裡可以魚翅撈飯，於是同朋友落去望望，店舖就係在彌敦道行入一條街，唔難搵，店舖內座位都唔算太迫，但都好多人，所以要等位，係門口再望見到個鮑參翅肚餐，座下後就點了這個，在香濃嘅湯底內有軟滑嘅花膠，同魚翅，真係十分足料！湯底十分濃郁，加埋湯料，真係可以魚翅撈飯，而個飯就係鮑汁海味飯，加埋個金湯花膠魚翅，真係已經十分滿足！但個餐還有海味一品煲內有彈牙鮑魚、爽口海參、大大粒瑤柱、彈牙煙韌嘅花菇、同埋吸收了汁嘅花膠，真係都唔知由哪一邊開始！除了湯，飯，煲外，重有份太白醉雞，用上了花雕酒浸住隻雞髀，雞肉十分嫩滑軟熟之餘還有香濃嘅酒香，十分好味！而朋友就係點了口水雞配刀削麵，口水雞嘅雞肉一齊嫩滑軟熟帶點辣，而紅油花膠魚翅餃，入口口感皮薄足料，味道濃郁；炸魚皮亦大大碟之餘魚皮十分脆口，配上金湯，好味！今晚食得滿足，價錢相宜，質素高，之後又多個地方可以食得好！