麻辣風雲 (荃碧大廈) (已結業)

今日同中學同學一齊嚟到麻辣風雲，我哋幾個人叫咗勁多嘢食呀！雖然我係第一次食但係我覺得超級好味所以諗住寫低同大家分享吓！今日叫咗水煮牛因為真係係好大碟㗎，唔使$300份量仲要咁足料我覺得非常之抵食。尤其是係佢嗰啲牛肩肉，肉質非常嫩！香濃嘅水煮味另外一試難忘。我好鍾意拎啲湯汁黎撈飯㗎，我用咗啲湯汁撈左兩碗飯嚟食添！除此之外呢份水煮牛入邊仲有大量寬粉同埋配菜全部都已經吸晒未好正㗎！另外我仲叫咗一個霸王蝦球，蝦肉彈牙而且好鮮嫩。炸得非常金黃，炸粉真係唔會好口同其他人講嘅一樣，真係好好食㗎 ！火爆魷魚鬚都好大碟好抵食㗎😍加埋都有十幾條！