Wingman (已結業)

小妹好中意食雞翼, 之前食過灣仔分店覺得唔錯, 除左有勁多口味嘅雞翼放題仲有好多特色小食, 所以今次就book左旺角分店帶朋友去試下! 一入到去餐廳已經坐滿左人, 環境算大, 企理乾淨, 仲有一d打卡位🤳🏻! 🌟THUNDERBIRD🍔漢堡包都幾大個, 漢堡包皮口感柔軟帶點煙韌, 雞扒外層幾脆, 肉質厚實入味多汁, 入面仲有酸瓜同椰菜絲, 辣辣地幾過癮!🌟POP-CORN CHICKEN🍔炸雞同樣香脆, 不過就唔辣的, 配上爽脆青瓜絲, 口感更豐富!🌟田園風味雞翼🐔食落好香洋蔥同酸忌廉味, 雞翼炸得幾香口, 入味juicy🌟水牛城醬雞翼🐔水城雞翼面頭有厚厚嘅醬汁同蔥花, 微辣惹味!🌟松仁奶黃塔🍰檸檬撻醬味道似某牌子嘅檸檬夾心餅, 味道唔太甜!