花椒子 (已結業)

人在旺角，遠遠就比花椒子科幻風格既門口深深吸引，當然要試一試!全間餐廳都行科幻太空風格，每個角落都精心報緻打卡位，再加上抵死金句，打卡一流!食物方面有酸菜魚辣雞堡等川菜，奈何今日唔係好食得辣，所以叫啲無咁辣既。🌶🥘主要試既有湖南辣椒炒雞，雞肉鮮嫩配上挖空左既辣椒，越食越惹味，越食越好味，食到尾可以加牛肉/豬肉一齊煮🥓我地就加咗份牛肉，加埋辣椒汁簡直一流。怕辣仲叫咗少辣既紅油炒手，皮薄餡靚，好好味香蒜炒油麥菜，🥬大大碟兩個人好夠食，仲好有鑊氣添。飲品方面好多特色飲品，但係可能因為太遲無左想叫既牛油果鮮奶，所以叫左兩杯沙冰，分別係士多啤梨同埋芒果🍓🥭甜品方面，叫左太空彩虹木桶冰，兩條紅豆兩條煉奶雪條，再加上一球芒果同雲呢拿雪糕，🍨🍧唔夠既下底仲有好多涼粉。