韓舍 (已結業)

去完旅行返嚟，第一時間約朋友出街派手信，午餐決定喺韓舍食韓燒，貪佢地點方便就腳，而且食物選擇種類多，能夠符合唔同人口味。環境非常寬敞，座位闊落舒適，第一印象非常良好。一齊睇吓有咩食？燒肉類有十幾廿款，即使係同一款肉都有原味同其他味揀，例如黑椒、咖哩或辣味，非常欣賞！另有熟食，如中式點心、咖哩角、荷葉飯、蟹粥等等。午市只有壽司，沒有刺身，有點美中不足。甜品種類之多，絕不會令你失望！有自製綿花糖機、雪糕、自製雪條機、frozen yogurt等，連我呢個甜品達人都食唔晒呀！ 限時兩小時，成人每位$118（星期六、日及公眾假期），非常抵食，正！