稻香超級漁港 (已結業)

今晚同外父外母一家食飯，諗唔到食乜好。經過見到稻香(星期五晚)唔使排隊，可能時間仲早。 天氣涼涼地，即刻走入去，打返個邊爐先。不過就無得食火鍋放題。唯有逐碟叫啦。啲食物黎啦，所有嘢食都好新鮮，不過啲響鈴就比較以前小。原來叫咗碟豬皮(外父最鍾意食)，不過黎到之後發現勁多毛，無奈之下，都要取消。 至於自助吧，啲飲品多咗選擇……。糖水方面，仍然得紅豆沙、芝麻糊、杏仁茶。我好喜歡飲杏仁茶 ，不過有點失望，因為個杏仁荼，同我之前飲嘅好唔同，今次清淡咗好多。總體嚟講，都可以接受。