影片
更多
2019-01-27
556 浏览
喺旺角四圍行搵食之際，抬頭一望，見到有一個好大Food 字，即係有嘢食啦，望咗一陣，間餐廳好似幾有格調，即刻上OpenRice搵吓先，原來叫CHIBA，喺一座商業大廈嘅2樓，即刻上去。一入到間餐廳，好有一種異國風情小店嘅格調，燈光柔和，今晚播住大家好熟悉嘅廣東歌，特別有一種親切嘅感覺==========================喺霓虹燈嘅映照下，坐喺靜靜的2樓cafe，望住樓下就係車水馬龍嘅彌敦道，別有一番味道==========================黑松露，煙火腿，芝士多士（$78）熱熔了的芝士，糅合了黑松露的香氣，令人想一食再食，每咬一口，芝士的拉絲感十足，偶爾咬到一口煙火腿，香燻了的肉味又令多士帶出另一個味道層次伴碟的沙律一點也不馬虎，沙律菜爽脆，配上醒胃嘅黑醋，絕對係一個稱職嘅頭盤小食軟殼蟹肉醬千層麵（$148）食呢個千層麵，第一時間一定要先食咗隻軟殼蟹啊，因為隻蟹上枱的時候仲係好脆，熱辣辣食好香口，好鮮味，咬開的時候仲有啖啖的蟹汁千層麵加咗牛肉碎，配上濃濃嘅番茄醬，食多幾啖都唔怕膩。千層麵層次分明，每層中間都夾着配料，廚師仲好有心思，伴碟嘅翡翠苗，係比隻蟹拑住
一入到間餐廳，好有一種異國風情小店嘅格調，燈光柔和，今晚播住大家好熟悉嘅廣東歌，特別有一種親切嘅感覺
==========================
喺霓虹燈嘅映照下，坐喺靜靜的2樓cafe，望住樓下就係車水馬龍嘅彌敦道，別有一番味道
==========================
黑松露，煙火腿，芝士多士（$78）
熱熔了的芝士，糅合了黑松露的香氣，令人想一食再食，每咬一口，芝士的拉絲感十足，偶爾咬到一口煙火腿，香燻了的肉味又令多士帶出另一個味道層次
伴碟的沙律一點也不馬虎，沙律菜爽脆，配上醒胃嘅黑醋，絕對係一個稱職嘅頭盤小食
軟殼蟹肉醬千層麵（$148）
食呢個千層麵，第一時間一定要先食咗隻軟殼蟹啊，因為隻蟹上枱的時候仲係好脆，熱辣辣食好香口，好鮮味，咬開的時候仲有啖啖的蟹汁
千層麵加咗牛肉碎，配上濃濃嘅番茄醬，食多幾啖都唔怕膩。千層麵層次分明，每層中間都夾着配料，廚師仲好有心思，伴碟嘅翡翠苗，係比隻蟹拑住㗎好得意
慢煮甜酒配和牛面頰（$188）
我都係第一次食和牛嘅「面珠瞪」，有四大件，份量一啲都唔小。因為慢煮嘅關係，「面珠瞪」變得好淋好入味。佢肉質冇一般和牛咁油脂，反而多咗一絲絲像骨膠原嘅質感，雖然冇油脂，但肉質一樣軟滑，牛味亦濃郁，適合愛牛一族
伴碟嘅薯蓉，打得好幼滑好Creamy
椰子味啤酒🍻（$62）
又係第一次飲，最特別嘅係，佢會比個椰子殼🥥你裝酒飲，感覺竟然係好過用酒杯飲嘅。每次飲之前，我都會先索一索，因為你會聞到陣陣嘅椰子清香，感覺似用個椰青裝住啤酒飲一樣，比一般啤酒更Fresh 🍃🍃
CHIBA’S SPECIAL HOME MADE SODA($65)
飲品嚟到嘅時候，侍應會即席打氣入杯嘢飲度，新鮮感十足，呢杯梳打嘅味道好清甜，因為裏面有好多款唔同嘅生果，有火龍果，橙，青檸，雪梨，青靈，提子等等，食飽飲飽之後，更加可以當作一個生果拼盤
餐牌
風格裝飾
一個人平均兩百幾蚊，食咗咁多個第一次，又可以靜靜看着彌敦道，滿足
张贴
