影片
更多
2010-11-17
17 浏览
今日去左荃灣季季紅度幫婆婆慶祝生日，但係食得勁怒氣！話說上星期已經訂左今日２０３０食生日飯，由於我地有１９人，所以ＢＯＯＫ左兩張檯，仲訂左兩打壽包。當時季季紅既人叫我地早Ｄ到，所以我地今日２０００就早到安排左Ｄ位先，費時要成班人等。點知我地同其他ＢＯＯＫ左位既人過晒鐘都未入得去，好多人都一齊嘈緊，場面極度混亂。個公關問我地可唔可以隔兩張檯坐－－邊個食生日飯會分開咁遠坐！？我地就唔肯，結果談判唔成功，個公關居然態度勁惡劣！跟住佢就好晦氣咁話如果我地唔要張檯就要俾人，我地已經好燥，但係又費時要Ｄ老人家等，所以都係要左一張大檯先，我地依Ｄ細既就唯有再等下。之後再等多十幾分鐘隔離先等到一張細檯，我地先可以開飯，但係已經搞到九點幾啦其實食飯既時候都幾ＯＫ既，味道唔錯，尤其係個隻豬幾好食，羊腩煲幾入味，黃金蝦更加係必食。總括黎講，Ｄ送好有風味，不過Ｄ小朋友就唔係咁岩食。有個小問題就係Ｄ侍應十問九唔應，好似扮睇唔到你咁，所以成日冇人加水同換碟。食物方面算係幾滿意，最緊要Ｄ長輩都食得幾開心。就係我地開始唔記得攞位個Ｄ唔開心野既時候，又搞多一次麻煩事上文已經提及我地係有訂壽飽，訂位既時候已經ＣＯＮＦＩＲ
話說上星期已經訂左今日２０３０食生日飯，由於我地有１９人，所以ＢＯＯＫ左兩張檯，仲訂左兩打壽包。
當時季季紅既人叫我地早Ｄ到，所以我地今日２０００就早到安排左Ｄ位先，費時要成班人等。
點知我地同其他ＢＯＯＫ左位既人過晒鐘都未入得去，好多人都一齊嘈緊，場面極度混亂。
個公關問我地可唔可以隔兩張檯坐－－邊個食生日飯會分開咁遠坐！？
我地就唔肯，結果談判唔成功，個公關居然態度勁惡劣！
跟住佢就好晦氣咁話如果我地唔要張檯就要俾人，我地已經好燥，但係又費時要Ｄ老人家等，所以都係要左一張大檯先，我地依Ｄ細既就唯有再等下。
之後再等多十幾分鐘隔離先等到一張細檯，我地先可以開飯，但係已經搞到九點幾啦
其實食飯既時候都幾ＯＫ既，味道唔錯，尤其係個隻豬幾好食，羊腩煲幾入味，黃金蝦更加係必食。
總括黎講，Ｄ送好有風味，不過Ｄ小朋友就唔係咁岩食。
有個小問題就係Ｄ侍應十問九唔應，好似扮睇唔到你咁，所以成日冇人加水同換碟。
食物方面算係幾滿意，最緊要Ｄ長輩都食得幾開心。
就係我地開始唔記得攞位個Ｄ唔開心野既時候，又搞多一次麻煩事
上文已經提及我地係有訂壽飽，訂位既時候已經ＣＯＮＦＩＲＭ左兩次，開飯前仲要ＣＯＮＦＩＲＭ多一次。
但係當我地叫佢上壽包既時候，佢居然問我係唔係要落一打壽包！！！！！！！！！！！！！
我地ＯＤＤ晒，同佢講我地一早已經訂左兩打，咁佢就拿拿聲去跟單啦。
結果－－冇晒壽包
試問老人家生日點可以冇壽包！？仲要係已經一早訂好左！成件事幾唔好意頭！仲要聽到其他幾檯都一樣嘈緊冇壽包！
我地真係勁嬲，個個主任就話佢真係冇辦法，跟住佢就叫左個經理。
見到Ｄ長輩塊面勁黑，我地依Ｄ做細既都唔知可以點，就叫佢自己過去同個老人家解釋。
個經理係咁道歉，我地問佢係唔係真係一打都冇，佢話係。
我完全理解唔到點解一間酒樓點係可以冇壽包。
佢雖然最後送左兩打千層糕，仲免我地茶芥，但係已經於事無補。
搞到個老人家慶生慶得咁唔開心，為咩？
我地依Ｄ做後輩既諗孝順下老人家，點搞成咁樣，真係好愧疚。
總結：我地已經一早ＢＯＯＫ左檯，佢地理應ＲＥＳＥＲＶＥ張檯俾我地而唔係威脅我地，迫我地就範；
其次係佢已經分左兩個時段入座（１８３０／２０３０），佢應該自己先同上一批客人講幾時要埋單，而唔應該叫下一批早到而且ＢＯＯＫ左檯既客人等。
由此可見，佢地既安排係極度混亂，而且服務態度好差，完全唔肯承認自己安排失當。
另外，佢地Ｄ服務真係好差，亦唔識變通。
冇壽包，你應該去諗辦法解決。對面就係百佳，附近亦都有酒樓，要借要買都一定得，點解係會同個客講冇壽包？仲要唔只一檯！
你冇其他野都ＯＫ，但係食得壽包既都唔係為左你個包，係為左意頭。
食餐生曰飯，掃晒興又冇左意頭，真係。。。。。。。
张贴