之前係九龍城都見過呢間鋪頭, 原來CWB都有~海鮮蒸氣鍋
叫左個$449 套餐~
海鮮都未到, 已經來左每人一份秘製原隻南非乾鮑, 口感嫩滑彈牙, 平時真係好少機會食到
成個sets 有8款新鮮海鮮
加拿大野生海虎蝦🦐, 得1隻, 真係唔夠候呀😆
韓國釜山蠔🦪, 個蠔冇得輸, 勁鮮甜
韓國釜山野生鰻魚🐟, 肉質好嫩滑
野生奄仔蟹🦀, 勁多膏，好後悔無將d膏加落個粥到🤤
最後個粥底, 配埋本來有既豬骨、栗米粒、芋頭粒, 超級鮮甜, 我仲食左2碗添
真係要讚下一直幫我地處理蒸海鮮既員工, 全程幫我地搞點所有野
唔洗自己落手, 真係坐係度等食就得,
仲會提點我地每款海鮮應該配豉油定wasabi, 又或者就咁食已經食到好鮮味
