影片
更多
2022-01-23
342 浏览
本身好少食米線，可能因為自己唔食辣，平時食三哥嘅清湯米線會覺得好齋，唔係幾中意。不過聽人提起大角咀依頭有間好食嘅米線，喺社文平台嘅米線關注組同ig都好多人推介，我之前嚟食過一次之後就愛上。間鋪係喺細商場，其實唔多起眼。鋪頭裡面真係好細，得4張檯左右，佢對面仲有另一個鋪位可以容納到多啲人，但整體嚟講店鋪環境始終麻麻。我今次係買外賣，叫左小鍋米線($42)，可以揀兩款餸，我揀左招牌腩肉同醬爆丸。雖然唔係好食得辣，但驚清湯又太寡，於是揀左微辣。佢嘅腩肉半肥瘦，食落軟腍，本身雖然有少少辣，但食落非常惹味。而且腩肉分量都比我想像中多。而佢嘅湯底亦係我覺得頗出色，店鋪主打酸辣米線，雖然自己只係叫微辣，但湯底其實都已經係幾濃郁，覺得佢帶有陣陣花椒味，食落會覺得有少少麻，但同時又好香口。連怕辣嘅我都忍唔住飲左幾啖湯。至於米線軟硬適中，正正常常，但索哂啲湯汁一齊食就覺得好正，麵嘅分量都多。本身對米線依樣野無咩好感，依間店嘅湯底就令我有啲改觀，食完會想再幫襯。不過湯頭真係重口味，我揀微辣食完都已經覺得口渴要飲返多啲水。如果叫中小辣嗰啲相信會更加勁。雖然係咁但我覺得係幾滋味，令人食慾大開。另外除左米線，仲可
不過聽人提起大角咀依頭有間好食嘅米線，喺社文平台嘅米線關注組同ig都好多人推介，我之前嚟食過一次之後就愛上。
間鋪係喺細商場，其實唔多起眼。鋪頭裡面真係好細，得4張檯左右，佢對面仲有另一個鋪位可以容納到多啲人，但整體嚟講店鋪環境始終麻麻。我今次係買外賣，叫左小鍋米線($42)，可以揀兩款餸，我揀左招牌腩肉同醬爆丸。雖然唔係好食得辣，但驚清湯又太寡，於是揀左微辣。
佢嘅腩肉半肥瘦，食落軟腍，本身雖然有少少辣，但食落非常惹味。而且腩肉分量都比我想像中多。而佢嘅湯底亦係我覺得頗出色，店鋪主打酸辣米線，雖然自己只係叫微辣，但湯底其實都已經係幾濃郁，覺得佢帶有陣陣花椒味，食落會覺得有少少麻，但同時又好香口。連怕辣嘅我都忍唔住飲左幾啖湯。至於米線軟硬適中，正正常常，但索哂啲湯汁一齊食就覺得好正，麵嘅分量都多。本身對米線依樣野無咩好感，依間店嘅湯底就令我有啲改觀，食完會想再幫襯。
不過湯頭真係重口味，我揀微辣食完都已經覺得口渴要飲返多啲水。如果叫中小辣嗰啲相信會更加勁。雖然係咁但我覺得係幾滋味，令人食慾大開。另外除左米線，仲可以揀薯粉或者湯飯，我下次食嘅話會試埋薯粉。
张贴
