十三姨 (通菜街)

下晝約咗朋友去旺角行街，朋友話不如食哩間係女人街嘅十三姨，咁我之前食過覺得唔錯...
平時呢間食店都好多人排隊，我哋兩點去到好彩唔洗等，已經即刻入座。
每枱都會附送印尼蝦片作為餐前小食，蝦片好脆。雖然餐廳嘅選擇唔算多，午餐set價錢尚算實惠。上次我就食咗呢度出名嘅十三么，今次就試下手撕雞伴雞油飯。油飯加埋炸蒜同香蔥，甜豉油去撈飯好開胃，食落唔覺好油膩，雞叉燒好食，份量有四舊，燒得香口。熱蜂蜜蘋果茶有粒粒蘋果，唔錯。