米子燒肉家 (已結業)

今晚見到放題燒肉唔使等位，唔使諗馬上入去幫襯。之前佢新開果陣都試過，今次之前佢新開果陣都試過，隔左幾個月，睇下有冇驚喜先。照舊有定食同放題兩款。身為放題關注組會長嘅我，當然選擇放題$268/位。以平日黎講都算熱鬧，可以話係坐滿人。鋪頭張枱算大張，兩個人都俾四人枱兩個爐，好闊落，好多位置俾人放食物打卡。鋪頭係抵贊唔會話要搭枱。頭輪乜都叫啲黎試吓，牛肉雞肉海鮮蔬菜同飯。鋪頭又真係上足俾我哋，仲要速度好快。咁大陣象打卡一流。餐牌1號:牛十品，推介嘅有牛舌、牛仔骨、牛板腱。肉味香濃、唔會鞋口、耐燒唔會燶，好食。雞肉豚肉盛盒會配埋芝士一齊燒，見到有人就放肉落芝士鍋到一齊燒，我就比較喜歡熱溶後點黎食。雞肉推介韓式版貪佢有少少辣味。海鮮有帶子、青口、三文魚，多春魚，魷魚。放題黎講算中上級，起馬冇雪味，唔係仲溶緊雪拎出黎俾你。青口帶子都可以ENCORE.野菜，有我自己最喜歡食嘅日本紫蕃薯，佢會加少少牛油響底到入味之餘唔會濃，推介之選。兩個爐同一時間燒緊係依間先做到，勁。食物份量真係有點誇張多，大家要就住黎叫，免做大嘥鬼。