Eiffel Bistro (已結業)

下午食西餐,晚上食法餐, 一啲都唔覺悶。餐廳除咗裝修,一枱一櫈都好有法國風味。一入到門口就已經俾呢一幅巴黎鐵塔吸引住, 我都知好多人都係呢一個位打咗卡㗎啦,我都唔例外。 餐牌上已經列曬所有廚師精選, 所以我可以好容易咁就揀出我想食嘅嘢。 真係煮得好出色呀! 出色到由頭至尾整舊肉都唔會實, 仲有好重嘅煙燻味道。牛肉要左medium to well,牛肉有啲實,薯條係幼身香脆, 個包好香呀軟綿綿咁嘅, 啲沙律菜有d菜係苦。 生果好新鮮好甜,點埋啲焦糖醬好夾。蘋果金寶好特別,平時只會見到蘋果係一片一片咁樣鋪喺上面焗嘅,但係呢一個係將啲蘋果蓉 圍住嗰邊再焗,所以食落去微酸,蘋果味突出。食食下要起身,因為有蚊,侍應解釋係下午餐龐一邊係開放,但我覺得就算係咁都唔應該有呢d情況發生，完全俾佢打擾唒，失望。