影片
更多
2008-02-27
13 浏览
之前曾經食過一次小羊脾，見到MENU上有大羊脾，不過要預訂，而且份量又大，所以唯有揍埋一班朋友唻食。今次我地一行７個人，終於可以一嚐大羊脾的滋味～一坐底就覺得服務員態度好好，佢抬上面Ｄ酸菜好好味喎...我地食完一碟又一碟，總共食左佢七碟！但係佢都好好笑容。抵讚！我地訂左隻羊脾，佢又同我地夾好哂上菜時間，次次都係食完一道唻一道。抵讚！枱的SETTING好有風格。枱上已經放左新疆調味料（一種係香料，一種係辣味）裝修...甚至連本MENU的設計好有民族特色！因為我地訂左枱，佢俾左一張自成一角的圓枱俾我地。坐圓枱舒服過坐普通枱，因為感覺上空間多Ｄ！因為佢普通枱都排得幾密。坐低先嗌頭盆- 涼拌豆腐。豆腐上面灑有肉碎同炸葱，非常香口！而且又雪得好夠凍！非常開胃！不得不讚個豆腐，凍得唻唔會硬，好滑！之後食PIZZA。估唔到新疆菜竟然有PIZZA食。我地嗌左２個PIZZA，一雞一牛，各$45。每個PIZZA直徑大約15-20CM，上面舖滿MELTED CHEESE。芝士入口又軟又滑，勁好味！眨下眼食哂先發覺唔記得影相！D肉都好嫩滑！主角大羊脾出場，無記錯應該$4XX一隻，足足有5磅肉。好鬼大隻~ 大羊
一坐底就覺得服務員態度好好，佢抬上面Ｄ酸菜好好味喎...我地食完一碟又一碟，總共食左佢七碟！但係佢都好好笑容。抵讚！
我地訂左隻羊脾，佢又同我地夾好哂上菜時間，次次都係食完一道唻一道。抵讚！
枱的SETTING好有風格。枱上已經放左新疆調味料（一種係香料，一種係辣味）裝修...甚至連本MENU的設計好有民族特色！
因為我地訂左枱，佢俾左一張自成一角的圓枱俾我地。坐圓枱舒服過坐普通枱，因為感覺上空間多Ｄ！因為佢普通枱都排得幾密。
坐低先嗌頭盆- 涼拌豆腐。豆腐上面灑有肉碎同炸葱，非常香口！而且又雪得好夠凍！非常開胃！不得不讚個豆腐，凍得唻唔會硬，好滑！
之後食PIZZA。估唔到新疆菜竟然有PIZZA食。我地嗌左２個PIZZA，一雞一牛，各$45。每個PIZZA直徑大約15-20CM，上面舖滿MELTED CHEESE。芝士入口又軟又滑，勁好味！眨下眼食哂先發覺唔記得影相！D肉都好嫩滑！
主角大羊脾出場，無記錯應該$4XX一隻，足足有5磅肉。好鬼大隻~ 大羊脾雖然肥大，但依然好JUICY，入口唔鞋，羊SO唔臭（我好怕食羊，打邊爐的羊一Ｄ都唔會食，因為好臭！），少少羊SO好正，而且佢焗得好香，唔駛配汁已經好滋味！跟住大羊脾的配汁好香，加上酸酸地略帶甜味，配合肉感好重的羊脾就非常PERFECT。
為左配合隻脾，我地仲嗌左一客香葱酥餅同一客麥餅。我地仲意外發現個汁同香葱酥餅好夾！結果我地追加多一客香葱酥餅。個麥餅OK啦...幾特別。
食完太多肉，我地另外嗌左兩個菜。一個老虎菜同一個煮菇！個老虎菜酸酸辣辣，好開胃。可以一掃之前食左咁多肉的肥膩感。個煮菇好精彩，好菇好香，個煮汁又好好味！（因為我掛住食，唔記得問個餸叫咩名...=_=）
仲嗌左一味特別野，叫「紅紅綠綠鹿肉」。本來我唔係好敢食鹿肉...不過d男仔食完話好爽又好味，所以膽粗粗試左一舊。又真係好好味喎。入口無怪味，肉質好爽，加埋伴碟的薯蓉食，口感好豐富！
仲嗌左個雞，不過太普通，無咩印象。
個個食到捧住個肚走，埋單都係九百幾！每個人$140度啦！抵食！一定要再幫襯！
张贴
