影片
更多
2021-03-11
178 浏览
今日再來個離島自由痕, 自我感覺良好一番, 行完一輪山, 當然食埋個early dinner才走人, 今日同朋友揀左呢間位於長洲的新Cafe No.11, 平日Cafe收 18:00, 我地17：00 準時開餐。No.11 係一間小島Cafe, 座位分室外及室內兩種, 坐室外食野, 呢啲天氣, 清風送爽, 感覺好舒服。價錢好平易近人Latte ($36)入口啡味好濃, 咖啡是順滑的, 微酸, 不苦澀‚ 高水準。All day breakfast ($98)實在太吸晴了, 食物排位好靚, 色彩繽紛奪目, Lunch 食咗好少嘢, 呢個 all day breakfast 冇叫錯, 份量足。煙肉 ~ 半肥瘦嘅煙肉煎到脆卜卜, 食落又唔太乾身兼冇油淋淋嘅感覺, 夠晒香口。煙三文魚 (加配+$14） ~ 三文魚肉質滑溜, 帶點煙燻嘅香氣, 香香鹹鹹, 好食。香腸 ~ 皮是脆的, 香腸食落唔鹹, 有少許芝士嘅香味, 個人比較喜歡這樣淡口的香腸。牛角包 ~ 酥皮鬆化到不得了, 內裏卻是軟綿綿的, 又酥又香, 掂炒滑蛋 ~ 香噴噴, 又滑又juicy。焗啡菇 ~ 爽口多汁芝士焗蕃茄 ~ 芝士火炙
No.11 係一間小島Cafe, 座位分室外及室內兩種, 坐室外食野, 呢啲天氣, 清風送爽, 感覺好舒服。
價錢好平易近人
Latte ($36)
入口啡味好濃, 咖啡是順滑的, 微酸, 不苦澀‚ 高水準。
All day breakfast ($98)
實在太吸晴了, 食物排位好靚, 色彩繽紛奪目, Lunch 食咗好少嘢, 呢個 all day breakfast 冇叫錯, 份量足。
煙肉 ~ 半肥瘦嘅煙肉煎到脆卜卜, 食落又唔太乾身兼冇油淋淋嘅感覺, 夠晒香口。
煙三文魚 (加配+$14） ~ 三文魚肉質滑溜, 帶點煙燻嘅香氣, 香香鹹鹹, 好食。
香腸 ~ 皮是脆的, 香腸食落唔鹹, 有少許芝士嘅香味, 個人比較喜歡這樣淡口的香腸。
牛角包 ~ 酥皮鬆化到不得了, 內裏卻是軟綿綿的, 又酥又香, 掂
炒滑蛋 ~ 香噴噴, 又滑又juicy。
焗啡菇 ~ 爽口多汁
芝士焗蕃茄 ~ 芝士火炙至表面有少許焦香, 令芝士嘅鹹香更為突出, 配上清新多汁帶點微酸嘅蕃茄, yummy。
沙律 ~ 我懷疑 no.11 既廚師係老細, 呢個All day breakfast一啲都唔hea, 沙律係用佢哋嘅自家沙律汁, 新鮮紅莓打汁加陳醋等配製, 莓味好清香, 酸酸香香, 有少許甜味, 混合爽脆嘅沙律菜, 健康得黎又好食。
牛油果醬芝士漢堡包配 ($68)
朋友之選, 漢堡包既色相都唔錯, 咁同我個all day breakfast嘅色相比, 就梗係冇得比喇。
漢堡包餡配車打芝士、紫洋蔥、生菜、酸瓜、蕃茄及自家醬汁, 當然仲有件煎得熱辣辣漢堡扒。
太吸引了......咬左一口, 牛肉好juicy, 配搭埋個芝士醬汁, 大滿足。
甜薯條 (薯條轉甜薯+$8)
甜薯炸得好乾身又脆口, 甜甜地, 不經不覺畀我食咗佢一半。
絕對可以返兜的一間平靚正Café, 全日免加一。
张贴
