滿屋日本料理 (已結業)

上個禮拜就去左係銅鑼灣二期個間滿屋食飯，因為個fd上一次食完話好好食，叫我一定要去食。既然佢咁推介，咪去試一試。我好記得個日係星期一去食，正常黎講星期一應該好少人，點知八點半去到二期樓下已經見到條龍長到嚇死人，之後等lift仲要分四批，可想而知有幾多人。不過既然咁多人食，相信都唔會伏得去邊既，所以我又對呢間放題有d期待。上到去，就有d員工係門口幫我地帶位，因為我同屋企人去食，都唔想兩位老人家坐得咁辛苦，所以就book個陣講左要求卡位。張卡位雖然唔係特別大，但係好舒服。跟住講下d野食，總括黎講係好食，如果十分滿分，我應該會俾九分。刺身算多款式又新鮮，d三文魚腩冇得彈xd。沙律小食好多出面放題冇既款，好有新鮮感。熟食水準唔洗多講，一個字，好，我最鍾意焗蠔同埋芝麻雞翼，食到停唔到口。而呢間放題既服務都幾抵讚，d員工好勤力咁幫我地加茶換碟，而且好有禮貌。D傳菜既人好在唔會好似出面有d放題咁就咁隊俾個客而懶得放落枱，佢地有時仲會幫我地手執靚個位擺多d野，抵讚！！埋單連加一都係二百幾蚊，以呢個質素程度既放題黎講，好抵食，以後一定會再幫襯。