影片
更多
2010-12-06
2 浏览
之前經朋友介紹, 新開張攪試菜$200任食, 聽完好大興趣, 終於响上星期五同太太去食, 間餐廳既門面裝修得好特別, 而入面既氣氛亦都好好, 坐得亦好舒適, 當我地坐低後便有侍應上前禮貌地推介當晚既set dinner, 咦? 乜唔係任食咩??原來已經响再上一星期做完喇, 唉! 只怪自己懶懶閒唔一早黎, 呢個時候有個哥仔行過(相信係老闆), 問明原因後, 就好豪氣話, 既然係朋友介紹就照俾我地任叫, 嘩! 開心到呢(我懷疑當時我個樣係 “囧” 所以感動到佢) ^o^好喇, 入返正題先, 當晚我地試o左好幾款菜, 就寫幾個推介吧:鹽酥雞 – 炸得好鬆脆, 的漿唔厚, 肉嫩 (如果味粉/辣粉多d仲正)新彊雞飯– 開頭仲以為係o加哩雞, 但食落又唔似, 可能用左d新彊香料, 不過要小心係辣既, 但送飯一流, 順帶一提d飯係用珍珠米, 細細粒又彈牙, 正!羊架 – 外脆內軟, 就o甘食唔加醬都得, 不過要注意肥膏位較騷(啱我 ^ ^), 當然亦可加薄荷醬或芥辣燒春雞 – 呢個真係唔錯, 皮脆肉滑, 仲有肉汁tim, 好味! 建議大家唔好怕醜, 就o甘用手攞起黎食仲好味一口炸蛋糕 –
而入面既氣氛亦都好好, 坐得亦好舒適, 當我地坐低後便有侍應上前禮貌地推介當晚既set dinner, 咦? 乜唔係任食咩??
原來已經响再上一星期做完喇, 唉! 只怪自己懶懶閒唔一早黎, 呢個時候有個哥仔行過(相信係老闆), 問明原因後, 就好豪氣話,
既然係朋友介紹就照俾我地任叫, 嘩! 開心到呢(我懷疑當時我個樣係 “囧” 所以感動到佢) ^o^
好喇, 入返正題先, 當晚我地試o左好幾款菜, 就寫幾個推介吧:
鹽酥雞 – 炸得好鬆脆, 的漿唔厚, 肉嫩 (如果味粉/辣粉多d仲正)
新彊雞飯– 開頭仲以為係o加哩雞, 但食落又唔似, 可能用左d新彊香料, 不過要小心係辣既, 但送飯一流, 順帶一提d飯係用珍珠米, 細細粒又彈牙, 正!
羊架 – 外脆內軟, 就o甘食唔加醬都得, 不過要注意肥膏位較騷(啱我 ^ ^), 當然亦可加薄荷醬或芥辣
燒春雞 – 呢個真係唔錯, 皮脆肉滑, 仲有肉汁tim, 好味! 建議大家唔好怕醜, 就o甘用手攞起黎食仲好味
一口炸蛋糕 – 外面炸到脆脆地, 入面軟林林, 暖暖地, 好得意, 唔太甜
壓軸推介:
牛/羊 漢堡 – d肉餅好鬆化, 完全唔會乾, 口感非常好, 配埋醬汁酸酸地, 開胃又好味!
後話: 我初初都俾佢既門面嚇親, 因為相對附近既鋪面真係有個感覺, 一定好貴,
但睇過餐牌後又唔係喎, 晚餐就算貴d既羊鞍套餐都唔過佰, 大部份仲幾拾有交易,
午餐仲抵, 直頭茶餐廳既價格tim, 可惜我唔係附近做野, 唔係實當飯堂｡
张贴