影片
更多
2019-09-05
75 浏览
自己係荃灣人，亦好鐘意去cafe坐，奈何一直荃灣cafe少之又少。大約半年前我就開始發現左呢間係有線大廈附近既5B private corner。貪佢人流唔多，staff都好nice。今日星期日我要home office，又想揾個地方食野同做野，就決定黎呢度。門面裝修仍然係keep到好整齊，見到佢仲添置左好多boardgame，格離枱既人都係度玩緊。但大家都好有禮貌，唔會太過大聲講野。Menu好似比之前更多選擇了，而家仲新增左waffle set，下次會試。因為今日比較餓，所以叫左呢一個假日套餐A，full set all day breakfast。店員好快就送上食物，上面有牛角包，炒滑蛋，hashbrown，大啡菇，茄汁豆同埋沙律！好豐富，而且每樣野份量都唔少。炒滑蛋處理得非常好，加埋個大啡菇一齊食好正。牛角包夠脆，不過真係好大個呀，我最後都係食唔哂。另外因為佢係一個套餐，所以會有埋個湯。成件事好豐富。食飽我就坐係度做野，中途侍應都完全唔會行過黎趕你走，真係由得你慢慢坐，作為cafe我覺得呢點好重要。最後套餐既飲品我叫左杯熱薑檸蜜補一補佢，大約坐到8點我就走，埋單都係100蚊，可以
門面裝修仍然係keep到好整齊，見到佢仲添置左好多boardgame，格離枱既人都係度玩緊。但大家都好有禮貌，唔會太過大聲講野。
Menu好似比之前更多選擇了，而家仲新增左waffle set，下次會試。
因為今日比較餓，所以叫左呢一個假日套餐A，full set all day breakfast。店員好快就送上食物，上面有牛角包，炒滑蛋，hashbrown，大啡菇，茄汁豆同埋沙律！好豐富，而且每樣野份量都唔少。炒滑蛋處理得非常好，加埋個大啡菇一齊食好正。牛角包夠脆，不過真係好大個呀，我最後都係食唔哂。另外因為佢係一個套餐，所以會有埋個湯。成件事好豐富。
食飽我就坐係度做野，中途侍應都完全唔會行過黎趕你走，真係由得你慢慢坐，作為cafe我覺得呢點好重要。最後套餐既飲品我叫左杯熱薑檸蜜補一補佢，大約坐到8點我就走，埋單都係100蚊，可以坐成個下午，我覺得荃灣已經好難搵到咁好既地方。呢度都適合一家大細黎gathering，見佢有幾款好岩幼童玩既boardgame，我走個時都有枱小朋友玩得好開心，哈哈
张贴
