影片
更多
2009-07-01
2 浏览
晚飯,就到咗近來响open rice hit到暈既人氣食店:添好運喇!其實再上一個禮拜都有諗住去架,點知佢地9點零鐘就已經滿籌叫人明天請早!我心諗,有冇咁誇張呀?!食個點心啫,咁都會滿籌?!好啦,今日,一於早d黎到,順利攞到籌喇...不過,咁只係恐怖等位既開始...點解我話係"恐怖等位"呢?因為佢地真係好耐好耐只嗌一次籌...個耐既程度係:接近半個鐘至嗌一兩張檯入去!...我一路等,一路又熱,一路又睇定張點心紙揀定食乜野,一路又肚餓,一路又心諗:我等咗咁耐,佢d野千祈唔好難食呀!好喇,等呀等等呀等...等咗個零鐘啦!終於有位喇!食--個--點--心--要--等--成--個--幾--鐘--呀!1. 好啦,即刻嗌該店最出名既"酥皮焗叉燒包",話晒都係米芝蓮三星喎!好在,粒星真係冇俾錯,真係幾好味...不過我唔明,點解個包會唔熱既?微暖咋喎!乜唔係即叫即蒸架咩?!2.我地另外仲嗌咗古法糯米雞:唔掂!唔好食!食咗都冇一半就決定放棄!唔係想side野,而係真係唔好食既,d糯米好差好硬,內裡既配料,冇味!完全唔能夠勉強自己食晒佢!3. 咸水角:有冇攪錯?!點解咸水角會有wasabi味既?!乜我地去
好啦,今日,一於早d黎到,順利攞到籌喇...不過,咁只係恐怖等位既開始...點解我話係"恐怖等位"呢?因為佢地真係好耐好耐只嗌一次籌...個耐既程度係:接近半個鐘至嗌一兩張檯入去!...我一路等,一路又熱,一路又睇定張點心紙揀定食乜野,一路又肚餓,一路又心諗:我等咗咁耐,佢d野千祈唔好難食呀!
好喇,等呀等等呀等...等咗個零鐘啦!終於有位喇!食--個--點--心--要--等--成--個--幾--鐘--呀!
1. 好啦,即刻嗌該店最出名既"酥皮焗叉燒包",話晒都係米芝蓮三星喎!好在,粒星真係冇俾錯,真係幾好味...不過我唔明,點解個包會唔熱既?微暖咋喎!乜唔係即叫即蒸架咩?!
2.我地另外仲嗌咗古法糯米雞:唔掂!唔好食!食咗都冇一半就決定放棄!唔係想side野,而係真係唔好食既,d糯米好差好硬,內裡既配料,冇味!完全唔能夠勉強自己食晒佢!
3. 咸水角:有冇攪錯?!點解咸水角會有wasabi味既?!乜我地去錯咗日式點心店啊?!攪到成個咸水角不倫不類咁!齋睇個樣ok個喎,但係一咬落去,真係掉都掉唔切!
4. 燒賣,侍應一拎黎嗰陣,我地見到個賣相,都已經覺得唔係好對胃口...咁細粒既...算!可能好味呢...點知一咬...嘩!想點呀!連續食三樣點心都唔好食既!個燒賣,d豬肉又"un",d蝦味又怪...發生咩野事呀?!
5. 個蝦餃其實都唔係好得去邊,只係因為其他既實在太差,所以就顯得呢個冇乜特別既蝦餃叫做比較好dd囉...
6. 鳳爪排骨飯,老公話幾好味,我試咗一啖...umn,呢個就真係唔錯喇,起碼夠晒味!
7. 侍應態度:普通!又未話去到差既,不過就奇在,個老細都叫做响高級酒店做過,無理由唔重視一下服務態度架!
總括黎講,呢間添好運,完全絕對唔值要排咁耐隊去試!再嚴格d黎講,我覺得完全浪費晒時間去等足個幾鐘,然後食到既係比一般酒樓水準仲要差既點心!好食既,就只得攞咗三粒星既"酥皮焗叉燒包",其他我試食過既,真係一粒星都唔值!如果話普普通通過得去既,我都冇咁氣頂吖!最大問題係:等位就頂級食府格,食物質素同美味程度就唔掂!咁叫我點番轉頭再幫襯呀?!或者有日經開,可能會剩係外賣個酥皮叉燒包黎食既!如果要我評分,除咗個酥皮叉燒包同鳳爪排骨飯之外,其餘真係零!
可能大家會覺得我好似講得激動咗d...係,我係冇試晒全店既食物,不過我認為,我嗌既都係大眾化既點心,如果連呢幾樣都整得唔好既,咁其他,我仲點敢去試呢?
所以我只會話,如果大家又係經開,又見唔係好多人排緊隊既,都可以一試既...否則,無謂浪費時間企响度又熱又迫咁等位啦..
张贴
