籽樂廚房 (已結業)

同朋友係尖沙咀行到悶，又想食下西餐，然後有位朋友就介紹左呢間位於尖沙咀山林道既西餐廳，初頭睇個名都覺得幾特別，諗緊食咩國菜既西餐廳呢？一去到門口，見到一塊版上面印住唔同既手語圖案，再睇，原來呢d手語教學係教客人點去同呢度既聽障員工溝通。冇錯，呢間係一間社會企業，我地一行人見咁有特色，於是就即刻入坐喇，見佢既菜式都好多，我地叫左個set dinner,前菜揀左柚子汁煙三文魚，酸酸甜甜既柚子汁加埋新鮮既煙三文魚沙律真係好開胃，準備好迎接之後既主菜:西班牙黑毛豬豬鞍架伴蜜糖蘋果汁，豬鞍架肉質好鮮嫩，入口即溶，而又不失香濃既肉汁香味，蜜糖蘋果汁酸酸地，啱啱好中和鞍架既油膩，真係想order多一份來食，最後甜品揀左士多啤梨泡芙，一咬落去，外面夠曬脆，入面香濃既士多啤梨cream湧曬出來，真係拍得住出面好食既甜品舖，真心推介呢間社企