大有哥平時會去九龍城或深水埗買餸, 有咩靚, 就買咩! 跟住同大有嫂研究點樣煮當晚菜式!
以上資料由一衆街坊提供 !
其實大有嫂好擅長煮魚, 只可惜我唔喜歡食魚, 所以我會選擇 ....
海南雞 - 可跟白飯或油飯 (肉質鮮嫩)
蝦醬炆豬肉 (蝦醬好香, 唔過鹹)
獅子球 (好味道, 炸香咗再煮, 不過我嫌份量多得滯)
香煎蓮藕餅 (好香, 好爽口)
番茄豬柳 (豬柳唔知用咩醃, 有點胡椒味)
如果碟餸冇蔬菜類一齊煮, 就會附送鼔油生菜
另加是日例湯 ....
佢哋煮嘅湯同餸都冇落味精, 全部發自內心, 好家庭式 ....
當然佢哋唔係sell services, 係sell溫情...
我試過有次見到煮魚湯, 我眨哂咀, 問佢哋有冇其他選擇, 跟住大有嫂滾咗碗菜湯我飲 ... 你話係咪好touching 呢 ....
所以對於啲"無飯"屋企同單身一族, 簡直係必選 ...!!!!!
