札幌元祖北海道拉麵 (已結業)

小弟一家每隔一至兩年嘅暑假就會去日本一次，而拉麵店就係必到“景點”，無論東京、大阪、北海道、沖繩，每次出發前都會做足功課，睇吓要去邊間拉麵店幫襯。不過暑假今年老婆又大肚，如果帶埋兩隻小魔怪就會好辛苦，所以今年決定留起香港。雖然香港都有一兩間所謂日本麵店嘅分店(例如一X),不過始終覺得無起日本正店嘅咁好食，硬係覺得香港分店啲麵變得遷就香港人嘅口味。同事同我講，佢起銅鑼灣食過一間非常日本風味嘅日本料理，仲講我知佢個日本老闆打算起我屋企附近開鋪，叫我去搵吓起邊度。嗱，我緊係去openrice搵啦，點知openrice寫個地址就啱，地圖就錯到離晒大譜。搞到我要由近美孚嘅青山道行到去長沙灣頭深水埗尾，足足行咗我廿幾分鐘!!! 唔該openrice跟進吓啦。間鋪嘅隔局，一個字，掂! 好有日本小店嘅感覺。起門口仲有啲送餃子嘅coupon任攞，不過寫住2015年，小弟以防有詐，攞住張coupon入去問清楚，個日本人老闆用唔鹹唔淡嘅廣東話同我講無問題，咁我就坐底試吓啦。我叫咗個細拉麵(濃味麵豉湯底)加三文魚壽司，仲有送嗰碟煎餃子。一條友嚟講，份量似乎真係多咗啲，鬼叫我貪心要埋碟送嘅餃子咩……味道，三文魚