影片
更多
2017-10-28
1439 浏览
朋友生日，佢自己揀咗呢一間做聚腳點，好多人淨係睇個名以為係中餐廳，其實佢係一間可以食中菜及西餐嘅地方。位於isquare 29樓的炊公館，我會揀夜晚先去食，因為個夜景真係幾靚。視覺上一定得到滿足。我的朋友喜歡散叫，但係我又好想試吓佢個dinner set，所以我哋散叫之餘就叫咗一個一人set。先講個set ,有頭盤沙律、湯一個、主菜一個，麵食一個及甜品一客。六五折之後接咗三百幾蚊，真係好抵。松露野菌湯係高水準之作，松露係靚松露，好香，而個湯打得啱啱好，creamy之餘同時亦留返少少粒粒嘅質感，超好味。烤澳洲牛柳亦都係不錯，大家食開澳洲牛都知佢唔係太油膩嘅感覺，因為油花唔多，肉質較清瘦。但係啲牛嘅牛味好夠，朋友同我都覺得好滿意。至於其他嘅中菜，只係平平無奇，比較之下西餐比較出色。服務態度方面，我覺得佢哋太快收回空碟，就算未食完都會收，兩次都俾我朋友阻止。(因為我哋都未食完) 不過其實一般嘅要求佢哋都達到的，上菜嘅速度非常之理想，如果能夠再細心多少少會更加好。總括而言，下次會再返嚟食set dinner, 佢有兩款set揀的，另外一款折左五百幾蚊，應該仲正，好期待下一次光顧。😌PS 大家如
位於isquare 29樓的炊公館，我會揀夜晚先去食，因為個夜景真係幾靚。視覺上一定得到滿足。
我的朋友喜歡散叫，但係我又好想試吓佢個dinner set，所以我哋散叫之餘就叫咗一個一人set。先講個set ,有頭盤沙律、湯一個、主菜一個，麵食一個及甜品一客。六五折之後接咗三百幾蚊，真係好抵。松露野菌湯係高水準之作，松露係靚松露，好香，而個湯打得啱啱好，creamy之餘同時亦留返少少粒粒嘅質感，超好味。烤澳洲牛柳亦都係不錯，大家食開澳洲牛都知佢唔係太油膩嘅感覺，因為油花唔多，肉質較清瘦。但係啲牛嘅牛味好夠，朋友同我都覺得好滿意。
至於其他嘅中菜，只係平平無奇，比較之下西餐比較出色。
服務態度方面，我覺得佢哋太快收回空碟，就算未食完都會收，兩次都俾我朋友阻止。(因為我哋都未食完) 不過其實一般嘅要求佢哋都達到的，上菜嘅速度非常之理想，如果能夠再細心多少少會更加好。
總括而言，下次會再返嚟食set dinner, 佢有兩款set揀的，另外一款折左五百幾蚊，應該仲正，好期待下一次光顧。😌
PS 大家如果有匯豐信用卡記得帶備，主菜會有九折。
张贴
