黑樺牛 (已結業)

上次同媽媽嚟，朋友知道又叫我帶佢嚟試下A5和牛火鍋任食放題！我同朋友仔講要試下呢度自家制沙冰，好特別有荔枝同草莓乳酸口味。呢度仲有啲好香嘅茶例如：白桃烏龍、茉莉薰花茶、梨山烏龍、四季青春茶，有室溫同埋唔凍俾大家選擇。先上黑華牧場精選層架，三層分別有和牛、豬五花、手打黑松露蝦滑，蟹籽蝦滑。🌟緊接係原盤直上北海道牡蠣同埋大蝦，鐵板焗20分鐘食得,啲蠔用酒焗非常濃郁酒香，超級肥美，肉質鮮甜。（靜雞雞話你知，兩日前whatsapp訂位先有得送呀）🌟我叫左個壽喜燒湯底，和牛壽喜燒一定係最正。呢度嘅A5和牛品種有好多款，我推薦先食特上霜降牛小排、肩胛梅花，因為牛脂分佈均，肉質嫩滑，每一片都有充滿牛味。再嚟食玉子後腰肉、牛前胸、干本筋、牛頸脊、和尚頭則油脂較少，啱健康人士。呢度仲有其他配料，餃子、響鈴、蔬菜、午餐肉、貢丸。不過嚟呢度梗係食和牛啦！呢度嘅甜品係雪糕大福，落重本呀！我一次食三粒。好多人食，記得訂位呀！