Gangnam OPPA (已結業)

今日出嚟旺角，聽朋友講呢度開左間以running man為主題既餐廳，身為running man 既粉絲，當然要去睇下喇。一坐低，我發現呢間鋪頭掛左好多關於running man 既相。枱上邊仲放左d小遊戲，等客人可以坐低食下野之餘又有得玩。食得韓國野，當然要叫炸雞食喇。今次叫左個蜂蜜蒜香炸雞，雞塊炸完之餘又唔會話太乾身或者太厚粉。有少少蜂蜜醬汁淋係炸雞上邊，味道甜甜地得嚟感覺唔會太熱氣。配埋薯條，炸薯，份量夠曬大碟又食到唔同類型既薯條。我地仲叫左個魚糕湯，湯底夠清甜，食曬d魚卷，冬菇之後，仲可以用湯底整埋個烏冬食。勝在可以平衡下其他食物既油膩感覺。飲品方面，我就叫左罐梨汁嚟飲，雖然好味，但係比較細罐，好快就飲曬想再叫其他野飲。