影片
更多
2016-05-17
279 浏览
食lab66 係因為啱啱係報紙見過，睇其他人嘅review 又好似係排隊店，既然我地早食又未有人排隊就即管試下。坦白講，食完之後，我係覺得普普通通，我覺得佢哋嘅小食同飲品都ok 嘅，不過個主菜就麻麻啦。墨魚棒棒，幾好食，墨魚肉好彈牙，份量都算唔錯。最鐘意佢個mayonnaise, 入面仲有啲 anchovies ，鹹鹹地，襯埋幾醒胃。仲配咗個酸醃菜，有啲似韓國炸雞嘅酸蘿蔔，但係我就覺得呢個同棒棒麻麻地夾。個Dark Choco，係三樣嘢之中最好嘅。都幾大杯，我見到佢真係用真朱古力打嘅，唔係淨係攞朱古力粉沖，最重要係唔太甜！至於個黑毛豬豬扒，就認真麻麻，成碟最好食係個薯仔，焗得好好，軟硬適中，又好味。個幾條青瓜，就真係青瓜囉，美味都無，我知佢放係度係想balance 下，但係我覺得應該俾多少少誠意，做個salsa 都好呀～ 豬扒，肉質係唔錯嘅，好夠腍，又唔乾，弊就弊在個茄汁，冇乜層次，又冇乜調過味咁，真係得番茄味，如果唔特別講，可能一般焗豬扒飯個豬扒可能仲好食。雖然，佢講到自己好似好fusion，但係只係咩菜式都放啲落menu，菜式同菜式之間，唔係好夾到。我唔會想一次過食焗豬扒配韓國拌飯
坦白講，食完之後，我係覺得普普通通，我覺得佢哋嘅小食同飲品都ok 嘅，不過個主菜就麻麻啦。
墨魚棒棒，幾好食，墨魚肉好彈牙，份量都算唔錯。最鐘意佢個mayonnaise, 入面仲有啲 anchovies ，鹹鹹地，襯埋幾醒胃。仲配咗個酸醃菜，有啲似韓國炸雞嘅酸蘿蔔，但係我就覺得呢個同棒棒麻麻地夾。
個Dark Choco，係三樣嘢之中最好嘅。都幾大杯，我見到佢真係用真朱古力打嘅，唔係淨係攞朱古力粉沖，最重要係唔太甜！
至於個黑毛豬豬扒，就認真麻麻，成碟最好食係個薯仔，焗得好好，軟硬適中，又好味。個幾條青瓜，就真係青瓜囉，美味都無，我知佢放係度係想balance 下，但係我覺得應該俾多少少誠意，做個salsa 都好呀～ 豬扒，肉質係唔錯嘅，好夠腍，又唔乾，弊就弊在個茄汁，冇乜層次，又冇乜調過味咁，真係得番茄味，如果唔特別講，可能一般焗豬扒飯個豬扒可能仲好食。
雖然，佢講到自己好似好fusion，但係只係咩菜式都放啲落menu，菜式同菜式之間，唔係好夾到。我唔會想一次過食焗豬扒配韓國拌飯再加生菜包。其實只係一間乜都有得食嘅high class港式餐廳。
仲有一樣嘢，佢哋個menu真係好臭，唔知點解係有一陣臭味，好似啲up布味。
张贴
