吉野家 (港鐵上水站)

营业中

休息中

一出火車站已經見到吉野家，每次無住家飯食的時候，就會好想去吉野家打個邊爐。地點咁方便，當然好多人排隊啦。今日一於入去踫下運氣，竟然有位。😍 最愛去吉野家烚下烚下，享受一鍋獨享的滋味，壓力全消。芝士竹輪鍋，一個細小的鍋，放滿食材，有豆腐、金菇、蟹柳、粟米、南瓜、鮮菇、娃娃菜和芝士竹輪。個人比較喜歡食咗大部份的配餸，煮埋個烏冬，先開始食牛肉。芝士竹輪真係好吸引，軟綿綿，一啖咬落去中間有濃濃的芝士餡，大滿足。一啖肉味濃郁的牛肉，一啖彈牙的烏冬，讚。牛肉醮芝麻醬，絕配。