因為人多可以叫多d餸試多d野
我地叫左水煮牛肉，紅油抄手，口水雞，孜然羊架，黃金蝦球同賽螃蟹。甜品試左士多啤梨拔絲。總括黎講全部野食都好高質，未食完同事已經討論要下次再黎
辣度唔算好辣，平時食少少辣既同事都接受到。個孜然羊架好脆，有驚喜！
但係士多啤梨拔絲就淨係for打卡啦，因為d糖好甜又好吉，士多啤梨又唔甜wor。
p.s. 尖沙咀分店之前推出過女士半價優惠，逢星期一及四下午12時至2時半，每枱只需有1名女士或以上，並至少選購人數一半或以上數量的特色飲品，即可享主餐牌食品半價優惠。可惜呢個優惠已經係9月8日完左啦，想去既女士記得留意啦！
