影片
更多
2011-03-18
152 浏览
2010-03-16 結婚日2011-03-16 結婚一週年大家都要返工 + 工作關係, 只可以10點放工之後返元朗食飯慶祝一下... 一直都係嚐辣的人, 所以搵一間食辣而又未收工既渝家風, 為左就你, 所以叫左不同辣度環境: 地點方面, 地方不大, 門口放左3張方枱. 到店都己坐滿近八成, 全滿都應該幾逼. 所以選擇坐出面衛生: 出面張枱走左冇耐, 要等佢清潔, 呢PART佢地做得幾好, 唔係求其抺, 抺完一次再抺多次 GOOD!食物:尖椒皮蛋: (小辣) 應該有2隻皮蛋, 有醋, 尖椒同辣椒放中間, 皮蛋有少許流心, 幾好... 有7分口水雞: (中辣) 汁的味好, 有陳醋味, 雞反而未有雞味, 但汁香口加辣味好, 不錯... 整晚都用呢個汁配食其他食物...有8分乾煸肥腸: (中辣) 呢個本來叫大辣, 不過老闆見到我將個口水雞要中辣, 所以幫我將呢個轉左中辣... 大腸是炸的, 相信入座時太忙, 落鑊後唔記得睇花, 炸得太乾, 無晒所有既肥, 差! 基本上我都唔會唔食晒D野, 不過呢個真係唔得... 燶到有D苦味... 0分水煮魚: (小辣) 你叫的, 不是你鍾意的桂花魚, 是
2010-03-16 結婚日
2011-03-16 結婚一週年
大家都要返工 + 工作關係, 只可以10點放工之後返元朗食飯慶祝一下... 一直都係嚐辣的人, 所以搵一間食辣而又未收工既渝家風, 為左就你, 所以叫左不同辣度
環境:
地點方面, 地方不大, 門口放左3張方枱. 到店都己坐滿近八成, 全滿都應該幾逼. 所以選擇坐出面
衛生:
出面張枱走左冇耐, 要等佢清潔, 呢PART佢地做得幾好, 唔係求其抺, 抺完一次再抺多次 GOOD!
食物:
尖椒皮蛋: (小辣) 應該有2隻皮蛋, 有醋, 尖椒同辣椒放中間, 皮蛋有少許流心, 幾好... 有7分
口水雞: (中辣) 汁的味好, 有陳醋味, 雞反而未有雞味, 但汁香口加辣味好, 不錯... 整晚都用呢個汁配食其他食物...有8分
乾煸肥腸: (中辣) 呢個本來叫大辣, 不過老闆見到我將個口水雞要中辣, 所以幫我將呢個轉左中辣... 大腸是炸的, 相信入座時太忙, 落鑊後唔記得睇花, 炸得太乾, 無晒所有既肥, 差! 基本上我都唔會唔食晒D野, 不過呢個真係唔得... 燶到有D苦味... 0分
水煮魚: (小辣) 你叫的, 不是你鍾意的桂花魚, 是鯰魚, 魚質夠滑, 無骨...不辣, 不痳, 亦都無花椒, 但都不錯... 有6分服務:
老闆服務不錯, 亦都好NICE...會過黎傾兩句, 亦都接受意見!
整體:
不錯
张贴
