村爺爺車仔麵 (已搬遷) 新店位置

午飯時間想食得輕盈D...所以由朗豪坊行下行下就落黎呢個村爺爺車仔麵, 鋪面好簡單幾張木枱櫈。好多款湯底同餸可以揀,開頭以為自己眼花,竟然比我睇到$58 有半個隻龍蝦 仲要搭兩個餸嘅龍蝦湯伊麵。上枱時 見到咁大碗麵真係暗喜左...個心真係嘩嘩聲...咁大隻龍蝦嘅車仔麵.即刻忍唔住要影相。 個湯係超濃龍蝦味,唔係好咸, 配埋個伊麵簡直唔敢相信眼前半邊龍蝦 加一份紅腸同雞翼尖都只係$58.另外當我會以為食龍蝦會好麻煩之制, 原來"阿姐"預備左個濕紙同鉗比我,好好呀....美中不足係 雞尖就 唔夠淋身。總括黎講呢個價錢 真係無理由喺油尖旺區食到呢個咁好嘅質素。雖然只係車仔麵, 但一定係豪華版嘅車仔麵。就算普通車仔麵都可以加龍蝦湯, 麵又大大配, 真心抵食。