富苑茶餐廳 (已結業)

見就腳就諗住其求同寶寶食個lunch就岀發去城門水塘，都係普通茶記姐，都唔會伏得去邊姐～點知咁諗係大錯特錯！等嘢食時好多烏蠅飛嚟飛去，十分困擾。呢度真係好污糟。周圍望下，見到牆痴住晒好多死烏蠅，已經知呢度好鬼伏。我嗌咗個滑蛋叉燒飯，一到啲烏蠅又衝過嚟，真係完全無胃口。食物質素就麻麻，食晒啲餸就算，連啲飯都無心機食，俾埋寶寶食算。寶寶嗌咗個蕃茄魚，俾咗兩舊魚我試，好食過我個叉燒滑蛋好多，而份量都幾多。