博多拉麵別天神 (已結業)

政府語出驚人咁要禁食肆人群聚集，好好彩趕得及禁令前去支持下喜愛嘅拉麵店🍜 雖然別天神拉麵唔算係小店，因為佢的確有好幾間分店... 之前試過尖沙咀同旺角，今次就去黃埔店支持下，分散投資丫嘛😜。別天神全線都採用「先購票後入坐」嘅方式招待，就好似日本~另外都係用一條長bar枱去招呼客人，大家都乖乖面壁食快麵🍜依種方式反而係疫情下令人最安心🤝 黃埔店內依舊貼滿香港人嘅祝福、祈願同支持💪🏻睇到都覺得好窩心❤️。再次食"別天神套餐" 同 "蝦拉麵套餐"🍤 發現雖然都係同一個品牌，分店唔同味道都真係有少少分別🤔 不過整體味道係差不多，只係湯底濃啲啲淡啲啲嘅分別😛 但係果個豬骨湯嘅味道都係咁濃郁😍 所以真係每一次都可以飲晒碗湯架😝😝😝 另外就係覺得黃埔店嘅餃子做得比旺角店好🥟 邊皮會再脆啲啲😌其實別天神仲有教你自製隱藏拉麵湯底，例如加拉麵汁或者蒜蓉咁，不過次次都食到最後先記得呀😩 唔知加左料係咪真係好味啲呢?。最近食店禁制令🈲出左，相信小店嘅生存難度又再提升🔝🔝🔝 希望大家多多支持有心食店，等佢地都可以繼續整好味食物俾大家啦😇