EXP

营业中

休息中

夜晚本身打算食food court不過無位，所以黎左exp。好肚餓，一坐低就落order。叫左照燒汁牛柳粒，燒帶子墨魚忌廉汁意粉，迷你韓式炸雞漢堡，日式咖哩豬扒炒飯配炒蛋，同波菜意式煙肉薄餅。前菜未到，首先黎既就係墨魚汁意粉。極度推介，帶子好入味，送意粉一流，而且好夠墨魚汁。之後係薄餅，熱辣辣上台好正，芝士夠溶，菇味同煙肉好香味道好出，批邊唔係好脆不過勝在唔會過厚過薄。迷你漢堡分三個味道，分別係柚子，泡菜同芝士蒜香。唔太建議，因為柚味唔出泡菜好似純粹普通辣椒醬芝士蒜香既芝士都唔出。照燒牛柳粒份量極少，配兩粒大葱，照燒汁過咸，呢個價錢唔值。最後係咖哩炒飯，個外表幾好睇，炒蛋貌似好滑，但食落唔知係咪落左黑松露有d臭臭地，咖哩同炒飯都係普普通通，不過不失。