今次主要想食牛為主，所以冇揀啲抵食套餐，全部叫牛肉食返夠本！第一當然要叫「大判燒！黑毛和牛西冷」。呢款係我嘅最愛，厚薄適中，肉質香嫩，油脂分布極之均勻，燒完再粘上日本蛋，真係人間美味，絕對好過果啲貴一貴又厚身又多油脂嘅和牛。食完我地已經就又再加叫一塊！
1
另外仲叫左「黑毛和牛腹柳小排」同「黑毛和牛上嫩肩里肉」各一，全部都睇得出係靚料，可揀調味款，咁就燒完即刻食得，懶人最愛！兩款肉都好好食，一樣係厚度適中，份量又唔係太多太少，俾個讚佢！食燒肉難得款款都岩口味啊。
大家都知食和牛唔可能食太多，會太肥膩。叫左個「辣冷麵（小）」，超平$48，但估唔到俾到好正宗嘅韓國味道我。兩個人食岩岩好，仲要足料，有埋雞蛋連一堆蔬菜配料，酸酸甜甜又小小辣，食完和牛食呢個好正。另外加左「七味豆腐鍋」，呢個就正常水準，可能因為個辣冷麵太好食，令佢顯得冇咁特別。
最後埋單有個免費甜品，一人一客杏仁布丁同埋雪糕雪米糍，杏仁超香，如果可以另叫，我諗我會肯俾錢食多一份！
