東京站 章魚小丸子 (已結業)

旺角既小食店有無數咁多間, 其實味道都間間都差唔多, 唔見得話邊間特別好食. 不過我通常想係旺角掃街既話, 通常都會幫襯東京站. 雖然佢個名以章魚小丸子掛帥, 但係我反而欣賞佢既串燒. 我自己覺得都幾特別. 反而係其他小食店未必食到.金菇牛肉卷: 呢樣野真係好少可係小食店到見到. 佢係一卷既牛肉卷先汁燒之後再炸. 金菇份量都幾多下, 可以減輕係掃街時吸收大量高熱量食品既罪疚感. (雖然比油炸過之後都唔會健康得去邊). 魷魚軟骨: 好多地方都有得食炸魷魚, 不過呢到淨係魷魚都分左個3個唔同既 "部位". 我通常都都會食魷魚軟骨. 我覺得魷魚嗰條骨脆脆地幾好味.無論你叫d咩, 佢到會跟個汁比你, 如果你話食得辣, 佢仲會淋多一個辣既沙嗲汁比你. 佢呢個汁好好味~~ 辣得黎好惹味. 如果唔係怕肥既話, 我係會用d野食黎送汁嫁囉~~~