影片
更多
2020-10-05
509 浏览
咁啱今日睇完醫生經過就試下，之前已經有朋友試過話呢度嘅奶茶特別好飲！今日試咗鋸扒，揀咗牛柳餐，牛柳剪到啱啱好，食落口好Juicy，!!再配合埋熱辣辣嘅黑椒汁😍經典，好夾！薯角係大大個新鮮薯仔咁切開炸出嚟，本身我係茄汁愛好者，但都唔使再特別加任何醬汁，就咁食已經好夠味！跟餐嘅丹麥多士，簡直驚喜之作，好香牛油味，如果唔係本身其他份量都好多，真係想食多幾塊！建議大家下次可以加$3試吓佢嘅丹麥多士，一定唔會令到大家失望！終於講到奶茶，因為我最近戒口，所以叫咗小甜，茶味好濃，入口又夠滑，聽講呢到嘅水吧師傅之前仲參加過比賽，攞過獎，唔怪之得我之前朋友試完都推薦俾我，值得一試再試嘅香港味道！難得搵到間冰室全部都做得咁細緻，其實本身我好少食茶餐廳，不過呢間下次會再來試下其他嘢
今日試咗鋸扒，揀咗牛柳餐，牛柳剪到啱啱好，食落口好Juicy，!!再配合埋熱辣辣嘅黑椒汁😍經典，好夾！
薯角係大大個新鮮薯仔咁切開炸出嚟，本身我係茄汁愛好者，但都唔使再特別加任何醬汁，就咁食已經好夠味！
跟餐嘅丹麥多士，簡直驚喜之作，好香牛油味，如果唔係本身其他份量都好多，真係想食多幾塊！建議大家下次可以加$3試吓佢嘅丹麥多士，一定唔會令到大家失望！
終於講到奶茶，因為我最近戒口，所以叫咗小甜，茶味好濃，入口又夠滑，聽講呢到嘅水吧師傅之前仲參加過比賽，攞過獎，唔怪之得我之前朋友試完都推薦俾我，值得一試再試嘅香港味道！
難得搵到間冰室全部都做得咁細緻，其實本身我好少食茶餐廳，不過呢間下次會再來試下其他嘢
黑椒牛柳
43 浏览
0 赞好
0 留言
羅宋湯
18 浏览
0 赞好
0 留言
奶茶
15 浏览
0 赞好
0 留言
张贴
