Burger's Friend Forever (MONTEREY Place) (已結業)

見到呢個咁特別嘅名，作為漢堡包嘅朋友我都要去食下佢。店內環境幾簡約舒適，有少少工業風，今次叫咗經典芝士漢堡，加咗$8食炒野菌絲，仲有套餐選擇，有加$20同$28嘅，我就加咗薯格同飲品，漢堡賣相唔錯，見到漢堡扒仲有啲肉汁流緊，非常juicy，煎得幾香脆，又有黑椒同鹽嘅咸香，牛味都幾重。而其他配料都好夾，野菌絲唔會好搶味，麵包有烘過，上面仲有啲芝麻。薯格嘅份量都比想像中多，大大嚿，炸得啱啱好，係經典嘅味道。