畢打奧餐廳

营业中

休息中

話說考完dse,fd敘舊約出嚟食夜晚，fd就帶咗黎呢一間餐廳，原來都幾近火車站唔太偏僻，幾易揾到。去到坐底，個環境好浪漫，燈光昏黃，有好靚嘅霓虹燈，打卡一流。呢啲西餐廳嘅浪漫氣氛同音樂，令人少女心岀曬黎，幾岩啲情侶黎呢到食飯，相比其他西式餐廳，呢間嘅性價比幾高，百零蚊就有一個餐。野食方面，都幾足料同大份，建議幾個人一齊share,女仔一個人食一個套餐可能會食唔曬。我就幾推嗰個酥皮海鮮湯，入面真係有勁多海鮮嘅配料，湯都幾濃郁。當日，我就叫咗個吉列豬扒同魚柳沙律食，勁大塊，勁厚，啲魚柳同豬扒食得岀係新鮮嘅，有彈性同咬口，味道都唔錯。食到咁上下，夜夜地，見到啲人開始飲酒，同埋有調酒飲，個調酒枱好吸引，決定下次再同fd黎小酌幾杯。