塚田農場 (已結業)

Happy Friday約左朋友去佢公司附近食下野聚下，佢話平日都見呢間野幾多人排隊，所以今日就同佢一齊試下，去到餐廳門口，果然已經有堆人等緊位，好彩我地一早book左位XD意式生帆立片 柚子胡椒汁 我地嗌左個冷盤，個汁酸咪咪，配帆立貝片食起黎都幾清甜，整體都幾清爽開胃。沖繩唐揚魷魚 配七味沙律醬同預期一樣，香口嘅炸皮配上沙律醬一定會係好食嘅，而且食得到D魷魚都幾爽口彈牙，不過分量就略嫌唔算多。三文魚親子鹽昆布炒飯呢個飯真心一定要嗌，個飯撈埋d半熟嘅蛋漿，食落口感多變化，d配料食落有咬口，而且個飯好香，為左呢個飯下次都會再幫襯。焙茶餡蜜芭菲茶味非常香，而且有好多唔同嘅配料，芭菲味道清香，唔會太甜，作為收尾唔會太滯。