影片
更多
2022-07-11
108 浏览
因為宗教信仰亦都因為健康嘅原因，每個月都安排咗一日素日比自己。前一排就同素友😛嚟咗呢一間食全素嘅餐廳度食晚餐。所謂嘅素友其實只係陪我食素嘅朋友🤣，個位朋友本身係無肉不歡嘅，但係呢一間素食竟然可以令佢鍾意食素。佢哋夜晚有晚市套餐，STARTER + MAIN + DESSERT + COFFEE / TEA，價錢全部由百零蚊到二百頭不等。#STARTER：前菜方面我哋揀咗新吞拿沾醬脆片，酥炸椰菜花配韓式酸辣汁，再另外加咗錢叫埋咕嚕棒棒丸子（$38）同特色串燒（$38）。全部前菜嘅造型都非常精緻，打卡一流，味道各有千秋。最貼心嘅係串燒有素魚牛雞可供選擇，而且款款都不同調味，魚係泰式，牛係川辣，雞係沙嗲，味道同埋質感都幾可亂真，當中個人尤愛香香辣辣嘅川式素牛肉。#MAIN ：食完前菜之後再黎到戲肉，泰式新豬肉碎薑黄炒椰菜花飯伴燒菠蘿（$188）同煙燻威靈頓 （$218）。泰式新豬肉碎肉質同真肉有得揮，加上濕潤脆身嘅椰菜花飯，同香甜菠蘿🍍，味道口感豐富。雖然椰菜花飯不錯，但煙燻威靈頓則更令人難忘。一上台就輕煙四氣，散發濃濃酥皮香氣，視覺享受一流。切開之後，望落紅紅地非常似真牛🐮，食落帶濃郁黑松
所謂嘅素友其實只係陪我食素嘅朋友🤣，個位朋友本身係無肉不歡嘅，但係呢一間素食竟然可以令佢鍾意食素。
佢哋夜晚有晚市套餐，STARTER + MAIN + DESSERT + COFFEE / TEA，價錢全部由百零蚊到二百頭不等。
#STARTER：
前菜方面我哋揀咗新吞拿沾醬脆片，酥炸椰菜花配韓式酸辣汁，再另外加咗錢叫埋咕嚕棒棒丸子（$38）同特色串燒（$38）。全部前菜嘅造型都非常精緻，打卡一流，味道各有千秋。最貼心嘅係串燒有素魚牛雞可供選擇，而且款款都不同調味，魚係泰式，牛係川辣，雞係沙嗲，味道同埋質感都幾可亂真，當中個人尤愛香香辣辣嘅川式素牛肉
。#MAIN ：
食完前菜之後再黎到戲肉，泰式新豬肉碎薑黄炒椰菜花飯伴燒菠蘿（$188）同煙燻威靈頓 （$218）。泰式新豬肉碎肉質同真肉有得揮，加上濕潤脆身嘅椰菜花飯，同香甜菠蘿🍍，味道口感豐富。雖然椰菜花飯不錯，但煙燻威靈頓則更令人難忘。一上台就輕煙四氣，散發濃濃酥皮香氣，視覺享受一流。切開之後，望落紅紅地非常似真牛🐮，食落帶濃郁黑松露菇菌味🍄，啖啖惹味誘人，竟然唔輸平時識開真係有牛嘅威靈頓。
#dessert
腰果芝士蛋糕🍰同鮮果撻配小雪球，兩者都係甜品，卻甜得各有千秋，前者質感綿密帶果仁香氣，後者清新宜人，果酸將曲奇膩感平衡得恰到好處。如果唔鍾意食甜品鍾意飲嘢嘅話你都推介試下佢哋嘅奶蓋茶，極之濃郁嘅植物奶奶泡唔輸平時用牛奶🥛整成嘅奶泡。加上下面以果汁茶做茶底，甜度低且自然，好健康。
张贴
