Gochi (已結業)

樂富呢個地方俾人印象一直以來都冇咩好野食，今年開左間西餐廳，格調唔錯，空間又夠大，係幾吸引的新餐廳。Book 左晚上8pm入座，服務員個態度好好，安排入座流程好順。睇drink menu, 俾我無意中見到有款西班牙手工啤係由米芝蓮名廚釀製的，仲要被喻為葡萄酒以外最佳既佐餐酒，價錢唔貴，$70一枝，即刻點左黎試試。酒既味道好清新，手工啤多數比較苦，但呢款手工啤竟然冇苦味，果味好重又唔會太甜，用黎佐重口味既餐點最為合適。餐點方面我地叫左個黑松露手工意粉，黑松露真係刨出黎一片片咁，味道濃郁而且入口唔會太漏，岩岩好，配埋手工啤又出奇地夾。海膽忌廉手工意粉都唔錯，有驚喜，令原本唔中意食海膽的媽媽都話呢個意粉好好味，夾完再夾，食唔停口。最後點左個辣肉腸pizza, 個pizza皮整得好好，唔會乾，大量芝士配辣肉腸味道好好。屋企人都大讚呢到咩都好食，令人有驚喜。4人晚餐叫左二個意粉，一個pizza, 兩個飲品，加一服務費都只係$600.我覺得好鬼抵。