順日本料理 (已結業)

前排同媽咪去睇花燈，睇完就帶佢去天后嘅順日本料理食飯，呢間三十年老店由我讀書果陣已經成日搭車經過見到，聽同學講佢地嘅牛舌好好味好有名，已經想試好耐 😍大蝦天婦羅天婦羅嘅脆漿有少少鹹味好香口 😋 外脆內彈牙 🤤 蝦仲要好鮮味 👍🏻厚燒牛舌便當超豐富嘅便當 🤤 入面有牛舌、煙三文魚、雜菜沙律、冷蕎麥麵、味增湯同埋雪糕 😍 厚燒牛舌真係正到一個點 😋 鮮嫩多汁，口感軟滑，咬落去牛香同埋黑椒香勁 match！而且超級厚口感好正好滿足 🤤 第一次食咁厚嘅牛舌，估唔到咁滿足啊 🫶🏻 蕎麥麵都好爽口彈牙，最後嘅豆腐雪糕夠香又唔會太甜 👍🏻鰻魚飯媽媽點嘅鰻魚飯都好好食 😋 大大塊鰻魚好肥美、配合埋香濃嘅醬汁，好唔錯 😋香煎無骨雞腿配鮮菇佐松露蛋黃醬雞腿肉好嫩滑，呢個小食最正嘅係舖底嘅香菇，吸左雞嘅肉汁，又有充滿松露香嘅蛋黃醬撈埋一齊，好唔錯 🤤