星海．譽宴 (鱷魚恤中心)

营业中

休息中

爸媽話呢間婚宴主題酒樓之前去朋友仔女婚宴時候食過，味道唔錯。今次黎係下午茶時段，都幾多嘢食選擇。鮑魚汁炆雞腳：雞腳炆得非常入味，雞皮冇溶爛，但又能輕易離骨，爸媽都大讚。脆皮燒腩肉：腩肉嘅豬肉味好重，比平時酒樓嘅腩肉味道出色，外皮再脆多少少就完美。荷香龍躉頭腩蒸飯：龍躉頭腩份量非常重手大方，雖然龍躉好食，不過個人最愛就係佢個飯底，有用蛋炒香過，而且加入大量菇菌，好香口，乾爽唔油膩，仲有淡淡荷葉味。點心拼盤：燕麥糕 蝦餃 潮州粉果 燒賣可以一次過滿足幾個願望嘅點心拼盤啱晒一家人分享，可以各自選擇自己鍾意食嘅嘢，而我就最鍾意綿密低甜嘅燕麥糕同埋蝦肉爽彈嘅蝦餃王。