王朝潮盛館 (已結業)

行完airside,又係時間醫肚。潮州菜係不二之選。餐廳鄰近mikiki同airside，交通尚算方便。潮州菜特點有好用滷味、善烹海鮮，此店風味正宗，許多潮州菜，例如蠔仔粥、鹵水鵝片味道都不錯，價錢挺實惠。蠔仔肉碎粥食落好似海鮮粥咁，清淡得嚟有鮮味，蠔仔粥亦非常足料，蠔仔每粒都好飽滿。滷水鵝肉厚、骨架大、鵝味濃，鵝肉沒有羶味，突出鮮香，肉質也軟嫩。八景蔬用各種蔬菜建構潮州八景，頓時鄉情油然而生。酸菜魚中鹹酸菜係精華所在，酸菜比魚更好食，每次去食潮州打冷必定會叫，選取魚的精華部分，去骨去魚尾,肉質彈嫩鮮美。海鮮什菜煲味道甚佳，粉絲，海鮮和各式蔬菜，有葷有素，營養豐富，而且吃起來比較清淡，一點也不油膩。脆炸牛奶卷奶味好濃，外脆內軟，好食到停唔到口。