神戶屋日韓放題

呢一間日式放題係放題中的確係不錯既選擇，係呢個價位，算係食過既放題中排頭幾既位置。另外佢位於旺角，好近地鐵站，岩晒一班fd約埋一齊去放題食餐勁。日式放題中，佢地選擇係幾多既架，而且每碟份量亦唔算好多，岩晒喜歡試好多不同口味既朋友，食完一碟再一碟。

魚生

一開頭侍應就已經好好服務態度，問我地想試咩刺身，而且仲有蠔同海膽食。雖然蠔同海膽唔係任食，但食住新鮮既刺身放題同時仲有蠔同海膽食，簡直係錦上添花啦!

揚物種類選擇多，而且幾好食，有我最鐘意既炸蠔!

榴槤丸

呢間放題好擔心有D大食朋友食唔飽，所以仲設有火鍋比你地Shabu-shabu，而且仲有辛辣面食，夠晒多元化！

壽喜燒

辛辣麵

雞軟骨

唔單止野食，飲品種類都唔小架，呢隻蜜瓜味荳奶真係好耐無見過喇。

最後緊係唔小得甜品啦，最令我難忘既係呢粒心太軟，細細粒比你食幾粒都得，直頭令到我個心即刻融化，哈哈！

朱古力心太軟

呢間放題唔單止食到你好飽，而且夠新鮮好食，的確係一試難忘，有機會會再去同fd食番餐。