蜀府川鍋 (已結業)

去完油塘朋友屋企探訪，晚餐佢就介紹去呢間餐廳吃海鮮。火鍋都有幾多選擇， 最後我地決定叫有一大盤海鮮的海鮮鮑魚雙層蒸氣鍋。太肚餓,一坐低就點左2個小食泡椒尖荀 $38泡椒尖荀好爽口， 睇落好似唔辣, 但辣味慢慢係口腔散發出來，愈食愈上癮！太好食所以成碟食哂!四川尖椒皮蛋 $38透明嘅皮蛋沒有梘味，淋上秘製麻辣汁,非常惹味, 辣辣地幾開胃。安格斯牛頸脊 $198牛味香濃, 牛頸脊薄厚度剛好，淥完都唔會爛，食落口都幾鮮嫩。火鍋海鮮一大盤 加豬骨粥底 $148x2大大隻龍蝦開邊、兩隻飽魚、兩隻扇貝、大蜆8 -10粒、兩舊粟米海鮮我地放哂放去上層蒸黎食，鮮味出晒黎, 全部都好鮮甜!蒸出黎的龍蝦，大大隻超多蝦膏，肉質彈牙。大蜆又大又鮮甜, 每粒肉都厚，而且經過處理，沒有沙。個鮑魚超生猛仲郁郁下, 尺寸都唔細, 肉厚，肉質爽口。扇貝有好多蒜泥加埋粉絲, 正正正!原條龍躉夠豪氣, 但我唔食魚, 不過用來熬粥一流, 放左係其中一邊做魚粥。另一邊就是雞粥, 個雞用左陳皮吊味，雞幾滑，放落個粥底到吊味，不錯。芝麻綠茶芋茸餅 (好似免費)賣相唔好,但餅皮整得好薄, 芝麻又香又脆, 芋茸少少甜，食落完全唔膩。