大家樂 (百誠大廈)

营业中

休息中

同朋友諗住頹食一個午餐，食大家樂，夠頹未？點知食着正嘢，！其實公司有canteen ,真係好少機會食到大家樂，平時食飯當然亦唔會約朋友食快餐店，所以大個之後其實根本好少食大家樂，今日終於有機會一嘗佢膾炙人口的焗豬扒飯。果然名不虛傳，厚切豬扒啖啖肉，焗飯上面的番茄汁甜酸適中，可能因為索咗豬扒的肉汁香味，所以有一種特別的味道！最邪惡就是那層分布平均（又厚又重）的芝士，簡直就係成個焗飯的靈魂！濃郁的芝士，彈牙的豬扒，滋味可口的番茄汁，再撈啖焗飯，真的沒想過味蕾可以在大家樂之中能如此的感動過！從此以後我可以將大家樂列入我約朋友食飯的餐廳名單？朋友叫咗個類似好似叫做海鮮蛋包飯，真係要睇清楚啲先知道知佢冇比錯個飯你，呢個係佢聲稱的蛋包飯，如果大家係想食一個類似忌廉湯（淡）淋落啲飯度，中間有片煎蛋的東西，不妨一嘗。